காக்கை சிறகினிலே நந்தலாலா'

மகாகவி பாரதி 'காக்கை 
சிறகினிலே நந்தலாலா'
என்று கவி பாடினார் அன்று 

நமதூரின் உண்ட லாலா 
அனைத்தையும் கண்ட லாலா 
ஊராரின் ஒரு சாரரை 
காக்கையோடு ஒப்பிட்டு 
ஆணவத்தில் பாடுகிறார்..
இல்லை இல்லை சாடுகிறார்..

பறவைகளில் ஒழுக்கமான
காகம்,பேறு கால குயிலுக்கு 
கூடு தருமாம்,அதன்  குஞ்சுக்கு 
கரிசனமாய் உணவு தருமாம்.. 

உணவினை தன் இனத்தோடு
கூடி உண்ணும் சுபாவம் கொண்ட
காக்கைக்கு சுயநலமில்லை.. 
அதிகார மமதை இல்லை...
ஆணவத்திமிர் இல்லை..

நல்ல பண்புகளை சொல்லித்
தரும் காக்கையின் பெயரை 
கெடுப்பதே பதவிக்கு 
காக்காய் பிடிக்கும் கும்பலே..

எதையோ பகிர்ந்துண்ண
எத்தனித்தோர்,பகிர்ந்துண்ணும் 
குணமுள்ள காக்கையை ஏனோ 
கைத்தட்டி விரட்டுவார்களாம்..

காக்கைகள் கரைந்து ஊர் 
கூட்டினால்,அவர்கள் கண்கள் 
கரையும் கணங்கள் வரலாம்..

காக்கைகள் கரைந்தால் 
விருந்தினர் வருவர் என்பது 
தமிழ் மக்களின் நம்பிக்கை...

இங்கு காக்கைகள் 
கரைவதால் வாரிய 
விருந்தினர் வருவார்களோ..??

அதனால் தான் காகங்கள்
மேல் காழ்ப்புணர்ச்சியோ.?


ஊர் உறவின் முறை 
ஜமாத் பெருமை மீட்பு குழு.

Good Morning

காலை good morning 
என்று சொல்லி நண்பர் 
அனுப்பிய செய்தியை 
சிறிய மாற்றத்தோடு 
பதிவிடுகிறேன்...

வீடு பெரிதானாலும் 
கதவு சிறிது தான்.. 

கதவு பெரிதானாலும் 
பூட்டு சிறிது தான்..

பூட்டு பெரிதானாலும் 
சாவி சிறிது தான்..

அளவில் சிறிய சாவி 
பெரும் வீட்டை திறக்கும்..
போலவே பிரச்னை 
பெரிதானாலும் சிறு 
மாற்றமே தீர்வை தரும்..

அது மன மாற்றமா, இல்லை
இட மாற்றமா, இல்லை
நிலை மாற்றமா என்பது 
பிரச்சனையை பொறுத்தது..

சாவி இல்லா பூட்டை
மனிதன் படைப்பதில்லை 
தீர்வு இல்லா பிரச்னையும் 
உலகில் எங்கும் இல்லை..

பூட்டை மாற்றுவது தீர்வல்ல 
தீர்மானத்தோடு நிரந்தர 
தீர்வை தேடுங்கள்.. 

பூட்டு சாவி என்றவுடன் 
பள்ளி நிர்வாகம் உங்கள்
நினைவில் நிழலாடினால் 
நான் பொறுப்பல்ல..
பொதுவான செய்தியை 
பதிவிட்டுள்ளேன்..நன்றி 

இன்றைய நாள் நல்ல
நாளாக அமையட்டும்..

கையில் பிரம்போடு உலா வருபவர் நீதி கேட்கிறார்.

கையில் சிலம்போடு 
நீதி கேட்ட கண்ணகியைப் 
போல,கையில் பிரம்போடு 
உலா வருபவர் நீதி கேட்கிறார்.. 

அவரை முன்னாள் என்பதா?
இல்லை இன்னாள் என்பதா? 
குழம்பிய நிலையில் பலர்.. 

குழம்பிய குட்டையில் மீன்
பிடித்து ருசி பார்க்கும் சிலர்..

புலால் உண்ணிகளால் 
பயமில்லை.. ரத்தம் 
குடிக்கும் ஒட்டுண்ணிகள் 
தான் அச்சம் தருபவை.. 

நீக்கம் செல்லுமா என்று 
மனம் 'ஆறாமல்'  காய் 
நகர்த்தும் அன்பர்களே..

அலுவலக திறவுகோலை 
மாற்றி 'எட்டு' திக்கும்
பறைசாற்றிய நண்பர்களே..

நட்பிற்கான திறவுகோல் 
அன்பினை கையில் எடுங்கள்..
போட்டிகளை கைவிடுங்கள்..

நான் என்பது அகம்பாவம் 
அதுவே பெரும் பாவம்.. 
நாம் என்றால் பலம் கூடும்..

அமானிதமாய் வந்த பதவியின் 
எஞ்சிய காலத்தை சச்சரவு 
இன்றி கடந்தால்,மக்கள் 
மன்றம் உங்களை மன்னிக்கும்..

இல்லையெனில் மாற்றம்
குறித்து அது சிந்திக்கும்..

பதவி தரும் போதையில் 
நம்மை கேள்வி கேட்க 
யாருமில்லை என்ற 
மமதையில் உலா 
வருவோரை வரலாறு
என்றும் நேசிக்காது.. 

அல்லாஹ்வின் புனித 
இல்லத்தில் பதவிக்கு 
சண்டையிடும் 
சகோதரர்களே..
பாவ மன்னிப்பு கேட்டு 
மண்டியிடுங்கள் 
அல்லாஹ்விடம்..

அவராத்தர் சிராஜ்...
---------------------------------------------

பின் குறிப்பு :
வரும் காலங்களில் தலைவர் 
மற்றும் செயலாளரை நேரடி 
தேர்தல் மூலம் தேர்ந்தெடுக்க 
வழிவகை செய்தால் உட்கட்சி 
பூசலை தவிர்க்கலாமே.

அரசியல் சாசன சட்டத்தையே 
திருத்தும்போது,முத்தவல்லி 
கமிட்டியின் By Law வை
பொதுக்குழு & நிர்வாகக் 
குழுவைக் கூட்டி மாற்றுவதில் 
என்ன பிரச்சனை வந்து 
விடப்போகிறது.. 

அப்படி செய்வது சாத்தியம் 
எனில்,வருங்காலங்களில்
இன்று நாம் காண்கின்ற 
பிரச்சனைகள் தவிர்க்கப் 
படலாம்..

ஆணைகள் அறிவிப்புகள் அணிவகுத்து வருது...

ஆணைகள் அறிவிப்புகள் 
அணிவகுத்து வருது...
யாரைத்தான் நம்புவது? 

யாருத்தான் நடத்துனர் 
யாருத்தான் ஓட்டுநர் 
வாக்களித்தவன் கேட்கிறான்.. 

சாணக்கியன் இருந்தால்
அரசியல் பாடம் படிக்க 
பெரியப்பள்ளி குளக்கரைக்கு விரைந்தோடி வந்திருப்பான்..

எதிராய் உள்ளோரை வென்றிட
சாம தான பேத தண்டம்
என்ற  நான்கு படி நிலை
உண்டு என்று பண்டைய 
வேதங்கள் சொன்னது.

விளக்கம் வேண்டுமெனில் 
கீழ் வரும் வரிகளை காண்க.. 

சாமம் - சமாதானம் கூறியும், 
இனிய சொற்களைக் 
கொண்டு பேசியும் 
முயற்சிக்க வேண்டும். 
இது முதல் படிநிலை

தானம் - தானம் கொடுத்து 
வழிக்குக் கொண்டு வருதல் -
இது இரண்டாம் படிநிலை

பேதம் - ஒதுக்கி வைத்தல் 
அல்லது புறக்கணித்தல்,
மிரட்டுதல் போன்ற முயற்சி 
இது மூன்றாவது படிநிலை

தண்டம் - இது அகிம்சைக்
கெதிரான வழி. அதாவது வன்முறையைக் கையாள்வது.
தடி கொண்டு அடிப்பது போன்ற உத்தியைக் கையாள்வது - இது நான்காவது நிலை...

பதவிக்கும்  பவிசுக்கும்..
மேற்கண்ட எல்லாமே 
நடக்குது உலகிலே..

அல்லாஹ்வின் அருள் தேடி 
செல்லும் பள்ளியிலும்
மல்யுத்த  போட்டிகள் நடக்குது..

ஆடுகளத்தில் உள்ள வீரர்கள்
அணுகுமுறையை மாற்றினால் சமாதானம்  நிலைபெறுமா?

ஊரே ஒன்று கூடி 
வீரர்களை மாற்றினால் 
சமாதானம் நிலைபெறுமா??

அறிந்தவர்கள் 
சொல்லுங்களேன்...

கதை ஒன்னு சொல்வேன் .

கதை ஒன்னு சொல்வேன்
பொ(ய்)யிலை அதில்..
கட்டையான குறுங்கதை தான்.. 

வேலி தாண்டிய வெள்ளாடு
ஏழு அதை எட்டாக்கி,
கொட்டகைக்கு போன கதை...

நல்லாடு  நாற்காளிக்கு 
மன்றாடுதா? இல்லை 
தள்ளாடுதா?.. அறிந்திட 
ஊரார் காத்திருக்க..

'ஏழு' சுவரங்களில் இசைப் 
பாடிய கூட்டம்,எட்டாக் 
கனியை எட்டிவிட்டதாய் 
'எட்டு' திசைக்கும் ஏடெழுத..

வானவில்லின் வண்ணங்கள் 
ஏழில் ஒன்னு போனதால் 
எழில் இன்னும் போகலே 
என்று தலையும் செயலும் 
ஊராருக்கு உரைத்திட... 

கூப்பாடு இல்லா கூட்டமதில்,
கேள்வி கேட்பாரின்றி,தம் 
நாட்டமதை நிலைநாட்டி
கொடியை நாட்டியோர் 
இன்னிசை பாடிட..

எம்மை புறந்தள்ளி 
அறமின்றி கோலோச்ச 
முயற்சிப்போர்,இகழ்ச்சிக்கு
உரியவரே என்று ஏழிசையில் 
ஆறானவர்கள் பண்ணிசைக்க..

கதைக்கான முடிவுரையை 
வாரியம் எழுதிடுமா?
வாக்களித்தோரின் வீரிய
குரலால் பொதுக்குழு தான் 
கூடிடுமா? என்று ஜமாத்தார்கள் 
அவாவுடன் பதைபதைக்க 
காத்திருக்கின்றனர்... 

துவாவுடன், 
அவராத்தர் சிராஜ்...

DD தமிழ்

இயற்கையின் பெட்டகம்

சித்தர்களின் சொர்க்கபுரி 

தென்றல் தாலாட்டும்

அகத்தியர் தவமிருந்த 

பொதிகை மலை..

பொதிகையில் கால் 

வைக்க ஆசைப்படா 

தமிழனே இல்லை.. 

ஆனால் காவிப் படை 

கை வைத்துவிட்டனரே.. 

செய்தி சொன்ன பொதி'கை'  

அதன் பெயரில் 'கை' இருக்க 

பேடிகளால் அது DD ஆனது 

வண்ணத்தால் காவியானது..

பெயரையும் வண்ணத்தையும் 

மாற்றலாம். தமிழனின் 

மத சார்பாற்ற எண்ணத்தை 

சாவர்க்கர் சீடர்களால் 

ஒருபோதும் மாற்ற இயலாது...

வளர்ச்சிக்கு வழி வகுக்க 

வக்கு இல்லை.. ஆதலால்

வாக்கு இல்லை உமக்கு.இது 

தென்னகத்தின் நிலைப்பாடு..

மாற்ற இயலும் உம் கூட்டத்தை 

அடக்க இயலும் உம் கொட்டத்தை

என்ற நற்செய்தியை சொல்லப் 

போகுது உம்மால் கலர் மாறிய 

பொதிகை டிவி. நாள் :04.06.2024..

ஆட்சியும் மாறும்

பொதிகையில் 

காட்சியும் மாறும்.

தாய் திருநாட்டை, MY இந்தியா என்று சொல்வதில் நமக்கெல்லாம் பெரு மை.

இடக்கை விரலில் மை' ஏந்தி,
ஜனநாயக தன் மை'யோடு,
வறு மை இல்லா நாடெனும் 
பெரு மை யோடு நாடு வாழ 
வாக்களித்த வாக்காளர்களே..

நல்ல தலை மை கொண்ட,
தன் கட மை உணர்ந்த அரசு
மக்கள் உட மை காத்து 
உரி மை போற்றும் அரசு 
கய மை இல்லா, மட மை 
இல்லா,திற மை மிக்க அரசு 
அ மை ந்திட பிரார்த்திப்போம்..

மத நல்லிணக்கம் இன் மை 
நாட்டிற்கு பெரும் கேடாகும் 
சாந்திமிகு தேசமே எளி மை 
மிக்க இந்தியனின் கனவாகும்..

இடக்கை விரலில் மை 'யை 
ஏற்று நாம் தேர்ந்தேடுக்கும் 
அரசு,பன் மை  தன் மை
கொண்ட, வள மை மிக்க  
தேசத்தை கட்ட மை க்க 
பாடுபாடுமென்று நம்புவோம்..



உண் மை யுடன்...
அவராத்தர் சிராஜ்..