புனித ரமலான் வந்து விட்டது!

மனிதன் மாண்புற வாழ
உண்ண உணவு,உடுக்க உடை
இருக்க உறை, அருட்கொடையாய்
புனித மறை,முழுமதியாய்
வேந்தர் நபி,வெகுமதியாய்
சங்கை மிகு ரமலான்
என அத்தனையும் தந்தவனே!!
எங்கள் ரப்புல் ஆலமீனே!!

புனித ரமலான் வந்து விட்டது!
பசித்திருந்து நாங்கள் நோன்பின்
மாண்புதனை பேண,ஜக்காதினை
வழங்கிட,புனித வேதமதை ஓதி,
அனுதினமும் வல்லவனே,
உன்னை நினைத்து நினைத்து
 அழுது தொழுதிட,எங்கள்
பேதங்களை துறந்து,கண்ணியம்
காத்து புண்ணியம் பெற்றிட சங்கை
மிகு ரமலானில் எங்களுக்கு
அருள் புரிவாயாக!!

எத்துணையும் இல்லாமல்,
அருள்மறையின் போதனையை,
நபி பெருமான் வழிமுறையை,
புனித ரமளானின் நற்கருமங்களை
சிறகாய்கொண்டு சிராத்துல்
முஸ்தகீம் பாலத்தினை நாங்கள்
கடக்க துணை புரிவாயாக!!அருள்
புரிவாயாக!எங்கள் ரஹ்மானே
அல்லாஹ் ஜல்ல ஜலா லஹூ வே!!