வெண்தாடிகள்

வெண்தாடி வந்தாலும் கூட

அதை கொண்டாடி மகிழும்,

குல்லா இல்லாத அஜ்மத்,

ராஜாக், நூர்,நஸீர் என்ற

நால்வர்..இவர்கள்,பந்தாடும்

திடலில்,வந்தாடும் நினைவை

அசை போட வந்தவர்கள்.வசை

பாட தெரியாத நல்லவர்கள்..

குல்லா அணிந்த,தாடி இல்லா

ஒருவர் இக்பால்,வெண்தாடியும்

குல்லாவும் இணைந்த,தம்

உருவை காட்ட  முனைந்த அமீர்,

ஷர்பு, ஆசிக் என்று மூவர்

ஆக மொத்தம் குல்லாக்கள்

அணிந்த முல்லாக்கள் நால்வர்.

ஜில்லாக்கள் எங்கும் தேடினாலும்

கிட்டாத நிகரில்லா மனிதர்கள்..

வண்ணம் பூசிய,கருத்த மீசை

பெருத்த ஆசை கொண்ட

இளமையான,இனிமையான

பரக்கத் அலி என மொத்தம்

ஒன்பது பேர். ரத்தினம்

பட்டணம் பொடி போடாத

நவரத்தினங்கள் இவர்கள்..

ஆனால்  பொடி வைத்து பேசும்

பொல்லாங்கு பேசாத ,பாசாங்கு

இல்லாத விகடகவிகள் இவர்கள்....