கொரொனா !

கொரொனா போர்க்களத்தில்
 நம் நலனுக்காக உழைக்கும் நன்மக்களுக்கு நன்றி..!!
******************************************************
தன்னுயிரை துச்சமென மதித்து 

அச்சமின்றி என்னுயிர் காத்திட 

இன்னுயிர் தந்து உழைத்திடும் நம் 

மருத்துவர்கள் காவல் தெய்வங்கள்..

உயிர்காக்கும் உன்னத சேவையை

உயிர்மூச்சாய் செய்யும் செவிலியரே

தன்னலமற்ற தெரசாக்கள்...

144 ஐ மதிக்காமல் சுற்றுபவன்

108 ஆம்புலன்ஸை மிதிக்காமல்

காத்திட,நிராயுதபாணியாய் 

போரிடும் காவல் துறையினர்

எமது வீர மறவர்கள்...

ஜாதி மத பேதங்களின்றி,பசி 

போக்கும் பணி செய்யும்,பால்

காய்கறி,மளிகை வியாபாரிகள்

அன்னமிடும் ஆலய மூலவர்கள்.

ஊரடங்கில் முடங்காமல் வீட்டில்

அடங்காமல் 'கோவிட் 19' தொடுத்த 

அம்புகளை தடுத்திடும் துப்புரவு

தொழிலாளியே நம் கேடயங்கள்..

துள்ளி திரியும் வைரஸை கொன்றிட

போராடும் இம்மக்களின் நலனோடு

நாட்டின் நலன் கருதி தனித்திருப்போம்

தள்ளியிருப்போம்,உள்ளிருப்போம்

ஊரடங்கில் என்று உறுதியேற்போம்..