மனிதம் மரிக்கவில்லை!!மனிதா

மனிதம் மரிக்கவில்லை!!மனிதா
மனிதம் இன்னும் மரிக்கவில்லை!!

மதங்களின் பிணக்கால் மதம் பிடித்த
மாக்கள் மத்தியில், மக்களின் 
கண்ணீருக்கும் சென்நீருக்கும்
மதிப்பில்லை,மரித்தது
மனிதம் என்றார்கள்!!

இனத்தால் மொழியால்
பிரிந்து,சினத்தால்
குணத்தை இழந்து, மதி
இழந்த மனிதனால் மரித்தது
மானிடம் என்றார்கள்!!

பங்களாதேஷில் உயிருக்கு
போராடிய மனிதனுக்கு
பாம்பே குரூப் என்ற
அபூர்வ ரத்தம் தேவை
எங்கும் இல்லை அங்கு!!

மத,இன மாச்சரியங்களை கடந்து
துணிந்ததன நான்கு மாற்று மத
சகோதர உள்ளங்கள் மும்பையில்,
மனித வடிவில் தெய்வங்களாய்!!
சிலிர்த்தது இதயம்!! துளிர்த்தது மனிதம்!!

சத்தம் இல்லாமல் ரத்தம் தந்து
தேசங்களின் எல்லைகளை கடந்து,
நேசம் வளர்த்து,மயங்கி கிடந்த
மனிதத்தை தட்டி எழுப்பி,
அது மரிக்கவில்லை என நிருபித்த
மும்பை மாணிக்கங்களுக்கு,
கோடான கோடி நன்றி நன்றி!!